ram cute feeelings

ನಾವು ಪ್ರೀತಿಸಿ ಮದುವೆಯಾಗಿದೀವಿ-ಹಾಗಂತಾರೆ ಕೆಲವರು.
ನಾವು ಮದುವೆಯಾಗಿ ಪ್ರೀತಿಸ್ತಾ ಇದೀವಿ-ಹೀಗಂತಾರೆ ಹಲವರು!
ಎರಡೂ ವೆರೈಟಿಯ ಜನರಿಗೂ ಬದುಕಿನಲ್ಲಿ ಅಹಹಹಾ ಎಂಬಂಥ ಖುಷಿ ದೇವ್ರಾಣಿಗೂ ಸಿಕ್ಕುವುದಿಲ್ಲ ಎಂಬುದು ಪರಮ ಸತ್ಯ. ಅಂದ ಮೇಲೆ-ಪ್ರೀತಿಸಿ ಮದುವೆಯಾಗಬೇಕಾ?
ಅಥವಾ ಮದುವೆಯಾದ ಮೇಲೆಯೇ ಪ್ರೀತಿಸಬೇಕಾ? ಉತ್ತರಿಸುವುದು ಕಷ್ಟ. ಮದುವೆಯ ದಿನಗಳವರೆಗೂ ಪ್ರೀತಿಸುವುದೇ ಬೇಡ ಎನ್ನುವದಾದರೆ ಆ ಕಳ್ಳ ಪ್ರೇಮದ ಪುಳಕವನ್ನು ಕಳೆದುಕೊಳ್ಳಬೇಕಾಗುತ್ತದೆ. ಇದರರ್ಥ ಇಷ್ಟೆ-ನಾವು, ನೀವೆಲ್ಲ ಪ್ರೇಮಿಸದೇ ಸುಖವಾಗಿರಲಾರೆವು ಮತ್ತು ಪ್ರೇಮಿಸಿದರೂ ಸುಖದಿಂದ ಬದುಕಲಾರೆವು!
ನೆನಪಿರಲಿ: ಪ್ರೀತಿ-ಪ್ರೇಮ ಅನ್ನೋದು ಶುದ್ದ ಜೂಜು. ಅದನ್ನು ಗೆಲ್ಲುವ ಹಠ ಹೆಚ್ಚಾಗಬೇಕು. ನಮ್ಮ ಬದುಕೆಂಬುದು ಪ್ರೀತಿಯ ಪರಿಧಿಯೊಳಗೇ ಇರಬೇಕು. ನಾವೆಲ್ಲ ಇದರಲ್ಲೇ ಮುಳುಗೇಳಬೇಕು. ಈಜಿದರೆ ಆ ದಡ. ಈಜದಿದ್ದರೆ ಈ ದಡವೇ ಗತಿ. ಹೀಗಾಗಿ ಈಜಾಡುತ್ತಲೇ ಇರಬೇಕು. ಅದೇ ಜೀವನ. ಅದೇ ಪ್ರೇಮ